ZURE IZENARI NAHI DIOT IDATZI

        Karlos Linazasoro , 2010

Zure izenari nahi diot idatzi

eta ez dakit nola duzun izena.

Ezpainetan daukat lore batena,

baina egiten ote dizu goraintzi?

Atzo eta etzi gaurko maite zintudan,

izenik gabe, arrosaz beterik,

eta gaur laster etorri da, isilik,

menderik gabe, musuz-musuzko udan.

Zein neurri da zure neurriko?

Zure gorputza esateko, zer esan?

Hitzak, sarri, ezinaren pareko!

Zu zara nire begien begiko;

ni zureena banaiz, pozez hegan

esadazu: "Orain gaur da betiko".

© Karlos Linazasoro