ZURE TENPLOKO HARRIEK

        Felix Zubiaga , 1990

Zure tenploko harriek

oihartzuna daukee,

zure tenploko harri lez

izan gura neunke.

Ez gor, ez itsu, ez geldo

arimadun baino,

tenploko harriok daukeen

sentikeragino.

Ez harbil galdu, ez isil

ozendun kantari baizik

horma egiturari josi

zeuk hasi lana bultzaziz.

Musika deritsot tenploko

murmura horreri,

gure kantari baileutson

zeureak jarraiki.

Zure tenploko harrien

bihotz ikara, harrimen

bihotz kantari honen harria

landu, berlandu dadien.

© Felix Zubiaga