SHOPENHAUERREN TRISTURATIK

        Mikel Alberdi , 2011

jada basoak soildu dira

jada hareak piztu ditu paisaia berriak

harat, basamorturat, joango gara

paisaia zahar honetan jarraituz gero

denborak harrapatuko baikaitu bere xederan

beharbada oraindik badugu aukera

elurra mara-mara inoiz egingo ez duen lautadan

pasio hau oihukatzeko

baina ez dakit aukerak bukatu ez ote diren

milaka suge beldurgarri daude

gure zain hare gorriaren gainean

jada agian inon ez dugu lekurik izango

jada elkarrenganako lilura ihesi doa

sugeak gainean ditugu

eta memoriaren pisuak

nire bihotzean gernu-herdoilak sortu ditu

eta zure laztanak

bizi-beldurrez estali

© Mikel Alberdi