HAZPARNE

        Lucien Etxezaharreta , 2012

ikusi zintudan

langileen ator besoetan

idortu eta zimurtu aurpegietan

eguerdiko burrunban

karrika bazterrak jendek betetzean

eta ere hiltzen ari den herrian

oi ezinbertzearen nekean

haurrik etxen ez duen amaren ixiltasunean

eta lanik gabe dagonaren behakoan

ikusi zintudan

patar erreketan

udako iratzeen pean

goizeko izar ihintzak dauzkan dirdiretan

eta maitatu zintudan

© Lucien Etxezaharreta