NEGU GORDINAREN BALADA

        Jabi Santa Cruz , 2013

Mara-mara ari zuen kanpoan:

ate ostean, armak bero oraindik.

Meta odoltsuan pilaturik

hegaberak.

Eskuak arin

eskuak trebe

lumatu ez:

larrutu egiten zituzten hegazti mengelak.

Mugimendu neurtuek,

ikasiek,

eskuineko metatik txoria jaso,

eskuineko metara jaurti gorpua.

Lumak, azala...

sutara.

Mara-mara ari zuen kanpoan;

ate ostean, armak bero oraindik.

© Jabi Santa Cruz