GORREN DANTZALEKUAN

        Aritz Mutiozabal , 2013

Gorren dantzalekuan zigarroen kea entzuten da,

konbinatuaren izeberga urtzen doan erritmo berean

Droga merkeek ez dakizun hori anplifikatzen dute

zentzumena berreskuratu duzula sinestaraziz

Sumatzen duzun bakarra

                        bihotzeko taupadak dira

                        areagotzen pixkanaka

                                                         -

                                                          p

                                                           i

                                                            x

                                                             k

                                                              a

                                                               n

                                                                a

                                                                 k

                                                                  a

Zoriontsua zara,

gainerakook sentitzen duguna bizi duzula pentsatuta,

eta asko gerturatu zara une batez,

bozgorailu okerretik

Gaur entzun duzunari isiltasuna deitzen diote jakintsuek;

niretzako beldurra da

© Aritz Mutiozabal