HERRIAREN TABERNA

        Jule Goikoetxea , 2014

Barra batean enkoadraturik

disolbatzen da arratsaldea

argi mehe baten pean

elkarrizketa merkez

trago koma irri artean

burutazio hordiek

eskasiaren sen on batez

mugitu gabe saihesten dituzte

absurdoa luxua eta arrazoia

asmo pildatsuek laguntzen dute

arretarik ezean hazitako desioa

       baina haur eszena hutsalez

       eta ardi aroko etorkizunaz

       gizendutako orainaldi honi kateatua da

obrero eta exiliatuarena den

gehiengoaren bizitza

© Jule Goikoetxea