ZURDEIA

        Eli Agirre, Agarel , 1933

Argi-argia ortzea…

ipar lausoak haitzetan

amilak beteta daukaz, 

beheko haizeak zugatz adarrak

zatituten dauz arkalaz. 

Izotz leiarrak zugatzetatik

lurrari begira daurkiz.

Mendi ganean haizeak

ur urrinaren orroa

abar arte antzezten dau.

Oihan barruan oldozkun datza

Heriotza ilun ituna,

bere menpean guztiak dauzka

guzti hori deus da baina… 

Geldi-geldiro burua

daso alde bietara 

itaune larrian antzaz:

alboan inor ikusi ez eta

barriro lurran dirozo 

bigi zimela eguzki beroaz

muinara jausiten danetz.

Eguzki epela ortzian

argi zurbila dirudi

sorgin oinketea argitzen:

Zurdei-eguzkia dan hotzaren hotza…

dirdizka datortz izpiak

makal-makalak, motel-motelak

mendien gailurretara.

Ardi taldea ibarran

kikilduta geldi dago

hotzaz leiturik ardiak,

eta aldiz-aldiz haizeak dakar

alege pozke hozketan

ardi arranen zarata ituna

hitsaren hitsa benetan.

© Eli Agirre, Agarel