AMALAUDUNA
Antonio Arruti , 1916
Zeņek onela daki basoa
Jazten t'apaintzen beko zelaia?
Zeņen aginduz orain usaia
Dago banatzen baratz osoa?
Luze ta zabal dakust soroa
Arto ta gariz dagola alaia,
Geldi patxadaz berriz ibaia
Aran landuen zear dijoa.
Nundikan dator nere neurtitza?
Osto belarren eran, sortitza
Neuk ote daukat ere guraso?
Ez dakit nundik datorren, baņa
Bai-da au esaten didan ezpaņa:
Gorago zure begiak jaso.
© Antonio Arruti