DOAN HEGAZKIN BATI

        Antonio Valverde, Ayalde , 1957

Lerro tipia zeru zabalean

hodei tarteko soinularia

arestian hurbil, orain urrun

eguzki urrea sabelean

Lumagabeko hegazti aizun

--sasijainkoak bizia emanda--

lehenaren amets zoroa

giza hegalari, daramazu

Zure erraien mar-mar doinua

guda nahiz bakerako berdin

Oi! Ezin ahantzi egun haietan

zure orroaz geren izua!

Gazte ginan, amen gonetan

oraindik josiak. Eta bat-batean

zure itzal gorrizta, ankerra

zahartu ginuna Udalehen urtetan...

© Antonio Valverde, Ayalde