GAUA

        Antonio Valverde, Ayalde , 1959

Etzana dago lainoa

mendi bizkarrezurrean

etzana lo

Ilargiak maindire arina

estalki zilarrezkoa

jarri dio

Bordako izarra estali

eta ondoko osinean ageri

urdinago

Zakur beltzen uluak

ulu eta amets zoroak

doaz haruntz

Zerubide urdinetatik

gautxorien moto iskanbila

Haien aztarnen atzetik

agudo guardiazibilak

Laster baina

dena jan isilak

Gabon, nakar-ohera hoazen neskatil sotila

Ordu maitaleak hor ditun irritsak hire zain

Horiekin batean Gaua hilko zain urrezko minaz

© Antonio Valverde, Ayalde