PAPEREAN BILDUTA

        Martin Bidaur , 2017

Desagertzen ikasi nahi dut

bizitzaren zaporea beste inon bilatu

erre orain arteko egunak

ez naiz itzuliko

kontraesanen tolesturetan

urtu nahi dut

orain arte zain egon direnak

maite ditudanak atzean utzi

maite nautenak eta

nire falta izango ez dutenak

agurtu ere egin gabe

exilio postmodernoan abiatu

nola egin bizitzari ihes

eta bizitzari nola heldu

hizkuntza ahantzia gogora ekarri

paisaia berrietan aienatu

paperean bilduta daramatzat

behar ditudan ondasunak

ez naiz berriro itzuliko

erre orain arteko egunak

© Martin Bidaur