ITZULERA

        Martin Bidaur , 2017

Oberkampf

taxi bat behar dut

goizeko seiak eta erdi

eta trena bi ordu barru

auto beltzera igotzean

diosala

lanean hasi berri bera

eta ni etxera

ez dabil ia inor kalean

lotan akaso kartoizko

gaztelu etzan horietan

larruzko aulkian hondoratu

larunbata da

edo igandea

gure kalean sartu garenerako

merkatua prestatzen ari dira

gelara igo

lau solairu

lau ate

bi giltza

arima arrastaka

noa dutxaraino

esku batean toalla

beste guztia maleta barruan

ur beroaz ezabatu dut hiria

gero eta gertuago

itzulerako trena

irla bat da nire gorputza

© Martin Bidaur