USO ZURIA

        Jon Iñaki Lasa , 2017

Leihoan uso zuria pausatzen bazaizu

uxatu ezazu, ez naiz ni (Habanera)

egiozu errieta eta esan ez itzultzeko gehiago.

Astindu ezazu erratza

eta ahal baduzu, jo.

Ni barruan nago zain, irrifartsu

usoa berriz etorriko da leihoa kakaztera

pentsatu dut

arantzak ipiniko dizkiot

edo paperez betetako poltsa plastikozkoak

ea izutzen den, ea beste txokorik aurkitzen duen.

Orain etorri zaitez neure ondora,

eta eseri.

Itzultzen bada, egiozu errieta

astindu ezazu erratza eta ahal baduzu, jo.

Oso polita zaude usoari aurre ematen

ni barruan nago, begira,

ez da berriro ausartuko

esan diozu ez duzula ikusi nahi

errieta egin diozu, haserre zorrotz.

Pozik nago,

neure ondoan esertzen zarelako

zelatari.

© Jon Iñaki Lasa