ZER DAGO?

        Jon Iñaki Lasa , 2017

Zer dago imintzio horren atzeko aldean?

Atzera begiratu atzera

eta esadazu:

gauza bera al dira beldurra, ikara eta izua?

Atzera begiratu atzera.

Gauza bera al dira

bihotz gozakaitzak

bihotz atsituak

eta bihotz antzuak?

Zer dago keinu horren atzealdean?

Gauza bera al dira asko maite zaitut eta

oso maite zaitut?

Gauza bera al dira

berriak eta notiziak

eta berri txarrak eta berri gaiztoak?

Eta atzo eta bihar?

Eta beti eta inoiz ez?

Atzera begiratu atzera

eta esadazu:

zer dago begi horien atzean?

© Jon Iñaki Lasa