DENON HISTORIA

        Castillo Suarez , 2004

Edozein egunetan

ezkondu eginen da

bera baino hogei urte zaharragoko

batekin,

maitasun demografikoa praktikan jarrita.

Ezkondu eginen da

ezin duelako fotokopiadora usaina gehiago jasan.

Eta era desberdin batean izanen da zorigaiztoko

gune komertzial guztiek denda berberak izanagatik,

mundua gero eta handiagoa delako

aspaldiko mamuak

berriz ikusi ahal izateko.

Mundua gero eta handiagoa da

denon historia kontatu ahal izateko.

© Castillo Suarez