BIKOTEAK MUSUKA

        Castillo Suarez , 2004

Lantegitik alde egin zuen

mahai gaineko paperak jaso gabe;

adiorik gabe hustutzen zaizkigu ohatzeak guri.

Etxetik kanpo ikusi behar izaten ditugu izengabeak

hiru urte geroago,

zorte pixka batekin.

Norbaitek erakutsi zigun

ez geundela minan zein galerei

aurre egiteko prestatuak.

Hala ere,

gure etorkizuna hobea balitz ere

berdin eginen nuke negar.

Poltsa gorri batean haren unibertsoa.

Min ematen dit bikoteak musuka ikusteak.

© Castillo Suarez