SABAIAK

        Castillo Suarez , 2006

Orain jabetu naiz zergatik ez zenituen

nire etxeko giltzak:

uste baino lehenago etorri ez,

eta goizean goiz alde egiteko.

Ohean lo nagoela sabaiari begira zaude,

edo barruko nazken itzalei:

behin eta berriro gogoratuta

ahaztuko zaizkizula iruditzen zaizu.

Galdetu nahiko nizuke

ea berriz ikusiko dugun elkar.

Berdin dio.

Berdin maite zaitzaket begiak itxita.

Eta ez dut tristeegi agertu nahi,

baina zure bila ateratzen naizen bakoitzean

sabaiari begira aurkitzen zaitut;

kopeta izerditan.

Demagun astean behin izaten dela hori.

© Castillo Suarez