GUTUN EZ GOGO FALTAZ BIDALI GABEA

        Gerardo Markuleta , 1999

Argi egiten ez duen argia ez dun argi.

Litezkeen bidai gurutze orotan asmatzea

ezinezko den legez, ezina dun berez

bizi aukera hurrenkera sorta bik

beti bat egitea.

Anker dun aspaldion

hire argitasun ertzez josia

ene estropezu ibilbidea epaitzean.

Goibel dun aspaldion

hire zorroztasun etsia

ene gonbit izutiez mesfidantzan.

Hara, neska, zer esaten dinadan:

Argi egiten ez duen argia ez dun argi.

© Gerardo Markuleta