BULARRAREN LABIRINTUA

        Federiko Krutwig , 1952

Ba dakust bularraren labirintua

Neronen sentimenduen bidean

Ni-eidea kanporatzen denean

niganatzen baita kanpoko orrua.

Nigana jiten den kanpoko mundua

datort Kosmos gaineko atzipean.

Gauzen izaitea' Ezerezean

dago; Nibbana da beren zentzua.

Dagozen gauzek atzipea dute,

gauzen gauza' ezin da bilatzea;

gauzek barnan gezurra baitaukate.

Lano da oro, mundua' elea.

Ezer ez dago, ez dago Gogorik,

Spiritua ez da kimaira baizik.

© Federiko Krutwig