BIDEGURUTZETAN

        Isabel Diaz , 1999

Bidegurutzetan topatzen dira gizonak

Antzinako kondairak hala dio eta hala berretsi ere eskuizkribuek

Bidegurutzetan gizasemeen topagune

Ideia berrien, kultura ezberdinen iraganbide

Haize xuxurlarien pasagune

Suertatze horrek markaturik gizonak

Hortik aurrera elkarrekin doaz edo ez

                   edo bakarrik segi

Bidegurutzetan egiten dute topo gizonek eta bidelagun bilakatu ere

Bidelagunen solasaldia, elkartrukatze ezinago aberatsa

                eta bostekoa despeditzean

Abiapuntua gogoan ez, ezta axola ere

Bidegurutzetan topatzen dira gizasemeak

Ateak, ezpatak, ibaiak eta oihan magikoak

Gailurrak, sugarrak, basoak eta haran epelak

Zubiak, erleak, mendiak eta zelai sorginduak

Bidegurutzetan erromes, gerlari, kontrabandista, bidaiari

Munduaren hastapenetatik

Munduaren hastapenetatik

Bere bidaietan gizona beste gizonekin aurkitu da beti

Sekula ez emakumearekin, inoiz ba gizalabarekin

        ez bada dorretxetan gatibu direla

zeren eta emakumeak gutxitan izan baitira bidaiariak

(Zergatik baina?)

© Isabel Diaz