BEHIN BATEZ, ZUBEROAN...

        Jon Mirande , 1951

Udaroan,

eguzki beroz,

behin batez zurekin nintzan Zuberoan...

Zeure ezpainetik

euskal itzak egalez nola erleak egoan

belarri-goxo ziraden -eta mingarri batean.

Zuberoan,

lurreko egun batean,

zurekin nintzan zuri entzuki et' entzukor.

Ba du orrek

urte bat... urte bi... eta beste ainbeste...

Ainbeste urte: ez nuen uste hainbat ziranik...

Ainbat eguzki arrezkero:

Ainbat itz bero

ta gezur otz, zu galduz geroz... Zuberoan...

Nun zaitut gaur, neure txikia, ta norekilan?

—Ala bakarrik, gauari so begi ñabarrak,

zure gelan,

Zuberoan—?

© Jon Mirande