BILBAO GOMUTAN 2

        Kepa Fernandez de Larrinoa , 1991

I

arenaleko ateak

emak-k pankarta berri bat desplegatzen du

«ikusi dok? bart kruzatu eben autobus bat»

goian beude dibidendoak

II

arenala

badaki san nikolasek

badaki aurrezki kutxak

korreotik barrena egiten du korrika batek

eta koska bat dago pertsiana hartan

III

atzo hamaika t'erdietan

banco de bilbao atarian

kateatu ziren batzu

magefesak blokeatu du trafikoa

nervacero egunero telediarion

IV

eta

gure paseoak

azufre-odola

gezi-esku elkarri lotuak

ezpain-musuak eta arrosa ezkutuak

V

arenala

erroak        historia        proletariadoaren heriotza

santo        tomas        bertsolariak eta argala

chiquito de arrigorri        omenaldiak

semana grande y semana santa        uholdeak

lokatza eta madriles        «hermano, me prestas 10 centavos»

cada vez hay m s robos

berandu da etxera noa gosaldu egin behar dut eta

VI

bilbao gure negarra

bihar ze ordutan

© Kepa Fernandez de Larrinoa