ADANEN EGINKIZUNA

        Joseba Zulaika , 1975

Eguzkia zegoen

Naturaren zoramen beroa

Adanen sentipenak

Adanen nahiak

neke ilunik gabeak ziren bat batean

Lurrean etzan zen

eta bere aurpegi ederra

eguzkiari eskaini zion

Eguzki galda gori hartan

Adan dena su ta izerdi zen, eta

zen dena eguzki bihurtu zen

odol kolore gorribueltaka bueltaka

dena espiral akabatu zen

—desirazko ahalmen oso ta betetasun

Adan guztia

eguzki galdu baten edertasun zen

eta dena eguzki, eta dena eder

eta dena galdu

Adanek ezin zuen esplika

nola zitekeen posible iluna

ezin zuen esplika heriotzea

ez eta paradisuko grisa

—paradisu berdea, zuria dena zen hain eder, gorri

krudel eta bero eguzkipe hartan

Kasikan kontura gabe

Adanen gogoa promesa luze bat zen:

eguzkia maiteko dut

eguzkia izango naiz

ilunak eguzki egingo ditut

© Joseba Zulaika