ERABAKIAK

        Josu Landa , 1980

Gauaren indar ezkutuek

begien arintasuna kendu nahi didate.

                                Izugarrizko logurea

                                sartu zaie begiei

                                eta bere askatasunak

                                zanpatu nahi dizkie,

                                diktatore batek bezala.

Ez dut etsiko!

Bainan zer egin

haren aurka?

Nere burua itsasora botako dut

eta olatuek negarraren indarrak

emango dizkiote.

Ez nau harrapatuko!

Bainan nork harrapatu

behar nau?

Nere pentsamenduak botako ditut

gogor goruntz, ipar haizeak

eraman ditzan.

Zutik egon behar dut!

Bainan, nola zutitu

gorpuen artean?

© Josu Landa