KANTARI

        Juan San Martin , 1954

Bidez nijoa kantari,

gogoa dela ameslari.

Herriz herri, mendiz mendi,

Euskal Herriaz gaindi.

Maitatuz ene aberri,

euskaldun denon biltegi;

gogoz mindurik eztiki

bihurtzeraino olerkari.

Bihotzez bihotz kuttunki,

jatorrizko mintzoari,

ene ametsok igorri...

arbasoen euskarari.

Aldi batzutan alaiki,

hurrengoetan saminki;

maitasunezko opari,

delako gure oinarri.

Bidez nijoa kantari,

gogoa dela ameslari...

© Juan San Martin