BI EZPATA

        Luigi Anselmi , 2008

Bi ezpataren artean

—oroimena, itxaropena—

bizi eta hiltzen gara.

Atzo ez da deus,

deus ere ez

bihar.

Egungo adiskide

eta izterbegiek,

egungo irri eta malkoek,

egungo solas eta isilaldiek,

dute axola

eta ez bertzek.

Iraganeko lili

zimelduekin batean

arantzak oro erauzi

bihotzetik,

azaletik edeki;

eta kontu guti egin

biharkoei,

menturaz ez baitira

nehoiz sorturen...

Bi ezpataren artean

bizi eta hiltzen gara...

© Luigi Anselmi