GAUEKO ARGIA

        Arantza Aldalur , 1986

Zenbat bider txikitan

gauera irtetean

kentzen zidan loa

argi batek urrunean.

Nire haur buruan

ez zegoen sartzea

urrutian dagoen

etxeko argia zela.

Zenbat bider handitan

gauera irtetean

kentzen dit loa

argi batek urrunean.

Nire kezka bizia

izango ote norena,

badirudi soilik

gauez bizi direla.

Gaua etxe guztiak

doanean estaltzera

errealitatea puntuetara

doa murriztera.

© Arantza Aldalur