ZUMARRAREN KANTORIA

        Mikel Azurmendi , 1972

        Gaztanberak hezurrik gabe

        Zumarrak bihotzik gabe

      Andozeko ibar luzean Berterretxe

Lasarteko ola beltzetan Michelinekoek

             armarik gabe

          hiruretan ebaki zaitan

               bihotza.

        Andozekoa bai dela luzea

        Orbegozokoak ez du bukaera

    Berterretxek leihotik kuntiari dio goraintzi

izardiaren seme madarikatuek ihardetsi bortizki

             armarik gabe

         ehun behi zezen baten

               ondotik.

        zezen baten ondotik

        behiak asetzen emeki

    Ezpeldoiko alaba zeritzan Margarita

Zumarrarenean xehaturik zetzan oporketa

             armarik gabe

         zumarra ihertu dute

               laisterka.

        Zumarrak ez du bihotzik

        Berterretxek eztare atorrik

    bihar langileak ari beharko bezala

odoletik Margarita eskumenka biltzen ari da

             armarik gabe

         atorretarik hiru dozena

               umetuko da.

© Mikel Azurmendi