ZIGARRO BELTZA

        Mikel Ibarguren , 2002

Itsumustuan izkiriatzen dizut

denboran galdutako herri bazter honetatik.

Hemen izan zinen berdantza-gauean.

Zutaz galdezka ibili dira hede zuriak atez ate,

auto banalizatuak iritsi dira gero

argi urdinen distiraz.

Ezetz esan diet,

ez zaitudala ikusi,

baina badakit arropak aldatu eta joan egin zarela.

Ezordua ageri da sukaldeko erlojuan,

eta beste argazkiekin batera

ikusi zaitut zuribeltzean zerrendatua.

Badakit hemen izan zarela;

gaizki amatatutako zure ducadosa piztu eta

eztul egin dut kontrako eztarritik.

© Mikel Ibarguren