EGIA

        Mikel Taberna , 1995

egiak zazpi gartzela

solas zuriak bortz gela

        saguxaharrak iragarri du

        gau gorria dela

egiak zazpi ezpata

lilurak bortz gezur-meta

        kateak hautsi egin litezke

        kolpeka kolpeka

egiak zazpi esklabo

paret goriak bortz leiho

        zaldi eroen gurdi hautsia

        esperoan dago

egiak zazpi eremu

aho ergelak bortz amu

        izuen gazteluko ihesa

        antolatu dugu

egiak zazpi hilobi

jainkoek bortz mingain lodi

        egunargia urratu aintzin

        fite, mugi hadi!

© Mikel Taberna