BIOTZ DONEA

        Lauaxeta , 1937

Gasteizko espetxean

Biotz xamur-berea,

gar gori batekin zauritzen nozu.

Zauri ganean, ordea,

maitasun-larrosa zabaltzen dozu.

Sakon bitan nabil, ez-bai goxoan;

otzak il naroa Zugandik urrun,

su gordiñak nauka zure ondoan.

Gabaz argi zakusat,

egunez berriz illun.

Zurekin naukazu, neugaz ez zaukat.

Eguzkitan edur, otzetan sugar.

Jolas bikoitz onek galduta nakar.

Baña bien tartean

sugar zakit, Jauna, biotz barnean!

© Lauaxeta