ALSACE-KO IZKILAK

        Jules Moulier, Oxobi , 1918

Ez da oraino aleman tzarra, nahiz hortarat ari den

oren onean, ordu txarretan, zeruari beha dauden

                elizetako dorre guzien

                erorarazterat heldu.

Egun osoan kantuz dagozi dorre barnetan izkilak

eztiki batzu, eta nigarrez -herrian badire hilak-

                bertzeak irriz, etsai trapilak

                baititu betikotz galdu.

Eta kanoiek egin orroer izkilek bozkariotan

diote gora: "Jo, jo lurpetik hobendun sartuz orotan!

                Jo, jo, gu isilaraztekotan

                zeruraino behar heldu!

Jainko Jaunaren iguzki ona dugu goiz-arrats ikusten

ifernuko ke pozoindatua gutara gabe da jausten

                zerua zuer dela hersten...

                Bidea duzue galdu!

Lainopean den lurra ere du argituko iguzkiak

lurpetik hilak doatzi garbi, zorioneko jeikiak

                goian hartzera beren alkiak.

                Gudua duzue galdu!

Guk zeruraino zuek nahitez, iguzkiaren argian

gudularien begiratzaile aingeru onen erdian,

                behar ditugu kantuz lorian

                irabazleak lagundu".

© Jules Moulier, Oxobi