NIRE ANAIOK, IV

        Paulo Iztueta , 1966

Ito-zori naiz sentitzen

eta ez dit ardoak

zintzurra birbustitzen,

ez nau lizardiak

bere izerdiz zuzpertzen.

Mututu dira trumoiak

eta agortu haren jasak.

Tximistak ez dizkit argitzen

barneko mamu beltzak.

Lehen basoa mintzatzen zitzaidan

eta munduaren berri ematen zidan.

Gaur ez natzaio fidatzen,

kutsutua baitut aurkitzen.

Haren hatsa ez da lehengoa,

pozoiturik baitu mingaina.

© Paulo Iztueta