ASTRONAUTARENA

        Rafa Egiguren , 1981

Izarren arteko

sabel epel hartan,

bai goxo!

Arnas hedatu batean

hire bihotzak emaro

txalaparta joka.

Irentsitako txanpan tragoak

su-artifizialak piztuko,

ziplo!

barru-inguruetan.

Ur urdinetan igeri

mini-aingeru motel bat baizik

ez nintzen denboretan,

... nork pentsa

o, mundu!

ama antiujudun bat

emateko adina bazinenik!

© Rafa Egiguren