PARTHITZEKO TENORIA 2

        Rikardo Arregi Diaz de Heredia , 1993

Aspaldian nuen beldurra,

ez nuen oihua entzun nahi,

azkenean zu ere zoaz

Gillen indartsuarekin

irla gorrotagarri hori

konkistatzera. Gizon asko

etorriko zaigu kantatuz

gure zaldunen balentriak.

Orduan

ni geratuko naiz pentsatzen

Ingalaterrako euriak busti duela zure sorbalda ederra.

© Rikardo Arregi Diaz de Heredia