KANTUZ!

        Santi Onaindia , 1929-1935

Arratsa kantuz doa,

—norentzako kantuz?—

ibai-une ixillean

zurmur gozozko uluz.

Txindorra kantuz dago,

—norentzako ete?—

zume malgu gaiñean

zanko biak tente.

Kantuz baita illargia,

—nor ete dau eder?—

zeruan goi ikusgarri,

arnas estuan ler.

Larrosa kantuz dago,

—itaun norentzako—

neure gela itzalpean

usainkor, arrosko.

kantuz daukat biotza,

—uda-lenez alai—

bion maite-astea

dau jardunaren gai.

© Santi Onaindia