BERTSOLARI ZAPUZTUA

        Santi Onaindia , 1929-1935

Bide azpiko etxean

—lore baratz narua—

Maiteder bizi da txairo,

barnean daula sua.

Lili ezpaten artean

—txori zauritu antzo—

naikari biziz aserik

ikusi neban atzo.

izarrakaz dagi ames

—sai goizale bikaiña—,

barruan dauan atsona

doakola tartaiña.

Zuk, ostera, bertsolari!

—gatza ta pipermiña—

jo dautsazu leio ondoan

goiz-tobera txiliña.

Ez eutzun zirkiñik, baiña,

arean be ak egin,

ez biotzik astin-azo:

atxurdiña zirudin.

Alde zendun andik «matsa

gordin yajok» esanik.

—Ez, geldo, mats ori ez dok

iretzat, ez, iñundik.

© Santi Onaindia