EZ ZEKINAT MISTIKAZ EZER

        Tere Irastortza , 1994

Ez zekinat mistikaz ezer

santuek esan eta nik sinistu ez nuena baino.

Hotza naun —dion— eta itsasoa oraindik laino

Hitz bakoitzeko txikitzen naun —zionat—

hire aurrean,

hitz bakoitzean uzkurtzen

laino beltzera eramanda.

Hotzik naun eta hik, itsasbazterreratu gabe oraindaino,

hitzen ordezko irria,

amodioaren ordezko zina

—guztiaren ordezkagiria

ezerezaren azaldu nahia—

Ez zekinat ezer mistikaz:

hik esan eta nik sinistu nuena baino.

© Tere Irastortza