SUR BATERI

        Eusebio Maria Azkue , 1896

Babelgo torre leiho bikoa!

Sur azken bako, sur betikoa!

Fortuna itsuen burlazko doia!

        Sur erraldoia!

Jagola barik haziko surra!

Arpegi-kirten punta makurra!

Sur hain luzea, ze bere erdia

        da gehiegia!

Munduko surren surrik surrena!

Ikusi danik sur handiena!

Sur Elefante, surtzar Balaia,

        sur Himalaia!

Oraingo surren aitalehenena

bardinik inoiz euki ez dabena!

Sur disparate barregarria!

        Sur asko edukia!

© Eusebio Maria Azkue