LURRAK JANTZIKO NAU

        Xabier Azurmendi , 1969

Lurrak jantziko nau

lurrezko moldean.

Ama lurraren besotan

antzinako ametsak

ezer ezak.

Lurrak jango nau

lur izango naiz

lur.

Lurrak jango du

bolkan hau,

ainbeste sufritu erazi didan

bolkan hau.

Lurrak jango nau.

Lurrak moldako dit hobia

gorputzaren neurrira,

fosildu nadin

Euskalerriko lurrean.

Bolkan hau

lurrak jango nau.

Ez da sortuko lorerik

lurrak jango didan odoletik.

Edurra bezela

urtu,

lurrak jango nau.

© Xabier Azurmendi