BISITA

        Xabier Izaga , 1998

Nor heldu zaik bihar?,

galdetu ohi diogu elkarri

bisita bezperan, eta gero zeldan

bizarra egiten dugu,

ama-edo heldu delarik

bizar aitzurra bi aldiz pasaz,

igandeetako arropak prestatu eta

distira ematen diogu

irribarre behartuari.

Batzuetan bisitatik itzulitakoan,

bertan hitz egindakoa baino areago

ahantzi edota isildu duguna gogoan,

elkarri galdetzen diogu:

nor etorri zaik?

© Xabier Izaga