IHESI DOAZ OROITZAPENAK

        Xabier Lete , 1968

Etorrerik gabeko

ur geldien urrutiko itsasoan

ihesi doaz

pasatako denbora baten

oroitzapenak.

Inxtanteka

orduen kate luzeaz

idatzitako istori hauskorren

kea bezala,

eudiak sentimentuz betetzen

dituen

grisean bildutako

arratsalde ixilen

giro apalean

gorputz hartzen duten

bakardadeko lagunak.

Bizitza amets luze bat

bakarrik denean

posiblerik

eta ezinezkorik gabea.

Gauzak ere lotan jartzen direnean

eta gure nahimen guztiak

hiltzera doazenean.

Momentu bakar bateko

patxada haundiaren

besoetan

oinazea eta poza

begirada berdinean besarkatuak

ur geldien urrutiko itsasoan

ihes eta ihes

doan

etorrerik gabeko

oroitzapenen

txalupa arina.

© Xabier Lete