NI EZ NINTZEN TXORI

        Xabier Lete , 1974

Ni ez nintzen txori

Orhin

baina han nengoen

Orhin

eta Xiberuatik lanbroa zetorren

Orhira:

lanbro hestu harek

biltzen ninduen

Orhin.

Negarrik gabe

Orhin

kabi hustu hartaz

gogoetak nerabilzkin

Orhin

itsasoko lurrunak

Orhin

biloak bustitzen zizkidan bitartean

Orhin.

Gogoetak narabilzkin

Orhin

eta melankolia

pozoin desiragarri bilakatu zen

Orhiko bortuetan,

Orhiko bortuetan

arranoek

jatekorik ez zutelako

beste bortu batzutara

ihes egin behar izan zutenean

Orhitik.

Ez arrano

ez kilkir

Orhin,

Orhiko deserriratuen oihua

nabaituz

oihua oihartzun

Orhin

oihartzun minberagarria

Orhiko bortuetan.

Orhiko txoria

ez zegoen

Orhin,

eta lanbroak

tristura hura

izkutatu egin nahi zuen

Orhiko bortuetan.

© Xabier Lete