EZAGUTU ZENUEN

        Xabier Lete , 2008

Ezagutu zenuen

deserrotzearen biluztasuna ere,

hustasun erabatekoa

itsasertz mirestuetatik betirako agurtzean...

mintzorik gabe, galbidean mutu,

oinaze izugarririk ez zen orduan izan

etsipen epela eta desatxekimendua baizik...

hiri eta karriken oroitzapenak

ezin zintuen kontsolatu,

eta dolua

apaingarriz erabat husturiko

lurralde antzua zen...

denboraren sarea zarpiltzen baitzihoan

eta harekin zu desegiten

urratsez urrats,

kontakizunaren atal bakoitza

ametsik ederrenen hondakin...

bazindoan, hori besterik ez

eta ezerk, nehork ez zizun itxaroten.

© Xabier Lete