DENA HAIN ERRAZA IZANEN BALITZ BEZALA

        Edu Zelaieta , 2002

Dena hain erraza izanen balitz bezala

Zoratzea nahita izanen balitz bezala

    askoz gutxiago sufritzeko

Olerki ziztrinak izkiriatzea intelektualen gauza soilik izanen balitz bezala

Poetek bihotzik izanen ez balute bezala

Dena hain erraza izanen balitz bezala

Dena elkartu eta urrundu izanen balitz bezala

    gure mugimenduak mekanizatzeko

Etxepeko parkean zerbait idaztea beti seinale ona izanen balitz bezala

Lan egitea osasungarri izanen bagenu bezala

Dena hain erraza izanen balitz bezala

Behin enamoratuak betiko egonen balira bezala

    maiteminaren giltzarria kausitzeko

Eguzkiak beti berotuko balu bezala

Maitasuna eta amodioa balira bezala

                        Maitasuna eta amodioa balira bezala,

                                     Jokatzen dugu guk;

                        Dena hain erraza izanen balitz bezala.

© Edu Zelaieta