LERRO BERDEA II

        Edu Zelaieta , 2004

Behobiaren alde batean: greziarrak

Behobiaren bertze aldean: turkiarrak.

Denak behobiarrak dira.

Nahiz eta turkiarrentzat

bertze aldekoak greziarrak diren.

Nahiz eta greziarrentzat

bertze aldekoak turkiarrak diren.

Ezustean ireki dituzte

muga zeharkatzeko guneak.

Behobia erdibitzen duen

lerro berdea ezabatzen hasia da.

Ehun urteren buruan

alde bateko nahiz bertzeko behobiarrak ez dira oroituko

iragan denboretan bazela lerro berde bat

Behobia erdibitzen zuena.

Ehun urteren buruan

iraganeko lerro berdeak

itsasoaren urdinaren gisa hartuko du.

Eta bertako mugalariak anfibioak izanen dira.

© Edu Zelaieta