MIMETISMOA

        Ixiar Rozas , 2001

gauaren ispilutik zintzilik dago mundua

eta itzalak besterik izaki goaz kaletik

      islada hutsak

geure buruari

           bakarrak

             garela

                sinistaraziz

gure desioak

pastillak astinduriko gorputzak

dantza zoroaren

      taupadak

           daramatza

               musikak

ahoak gor arazten ditugu

belarriak mututzeko

eta bihotzak itsu arazi

begiek

    ez dezaten

          gehiago

               hitz egin

eta gauak iseka egiten digu ispilutik

behin eta berriro

desberdinak garelako ilusioan

mimetiko zoriontsuak gara

© Ixiar Rozas