OLIOZ

        Josetxo Azkona , 2001

Olioz

nahi zaitut

patata, tipula

eta azenarioarekin batera;

haragi

gisatuaren saltsan.

Olioz

nahi dut zure boza,

oliozpinez ongi doitua;

tomate

eta letxugaren arteko

solas xamurra.

Olioz

nahi zaitut eguerdian;

okelak

eta piperrek

elkar

jotzen duten izerdi punttuan.

Olioz

nahi zaitut gauean,

arrautzaz blai eginda;

zartaginetik platerera

doan jauzi horixkan.

Olioz

nahi zaitut nire ondoan;

olibolioz, ahal dela;

baina bost axola

ekilorez edo artoz

bazentoz ere.

Ongi etorri nire sukaldera.

© Josetxo Azkona