BLUES, NIRE ADINEKO BATENTZAT

        Josetxo Azkona , 2009

Gogotsu ikusten haut oraindik.

Baina malenkoniaren alde batetik

bestera jotzen dik hire bihotzak.

Jada ez haiz gazte.

Eta horrek kiskaltzen hau hi gehien.

Izan ere, astelehen buru handia bezala

bizitzen dituk maiz asteko egun guztiak.

Ate joka natorkik, lagun.

Kezkati samar etorri ere.

Baina ez aztoratu: ur geldian geldi

dagoen bihotzak goza dezake oraindik ere,

gauerdiko su artifizialak itzali diren arren.

Tira, karrikaz karrika

ibiltzeko irrikaz ikusten haut oraino.

Ohetik altxa, makarrak garbitu,

eta hoa fite etxetik kanpora.

Ez egarriz ez edanda, itzul hadi etxera.

Altxa, fite, lagun hori!

© Josetxo Azkona